Anmol Stories Pakistan's Best Story Website
Related Articles
آج ایک جگہ دعوتِ ولیمہ پہ مدعو تھا_جس لڑکے کی شادی ہوئی وہ اچھے خاصے زمیندار خاندان سے ہے اور لڑکے کے والد ایک نامور سکول کے آنر یعنی مالک بھی ہیں یعنی اچھے کھاتے پیتے لوگ ہیں_
کھانا شروع ہونے میں زرا تاخیر تھی اور میں آنے والے مہمانانِ گرامی کا مشاہدہ کر رہا تھا_ مجھے ایک بات بہت حیران کن اور خوش کن بھی لگی جو اس تحریر کا اصل مدعا ہے اور وہ یہ کہ اس لڑکے کے سب دوست جو اس سے ملنے سٹیج پہ آ رہے تھے ان میں سے اکثر خوانچہ فروش، چنے بیچنے والے اور اسطرح کے یعنی چھوٹے طبقے کے لوگ تھے_
یہ سب دیکھتے ہوئے انتہائی خوشی و مسرت و فرحت محسوس ہوئی اور میں سوچ رہا تھا کہ واقعتاً یہ بات درست کہی جاتی ہے کہ رشتے، تعلق و دوستی پیسہ دیکھ کر یا پیسہ ہونے کی وجہ سے نہیں بلکہ خلوص و محبت، خوش اخلاقی اور کشادہ دل ہونے پہ منحصر کرتی ہے_ وگرنہ اکثر و بیشتر تو یہی ہوتا ہے کہ بڑے لوگ اپنی شادیوں اور دعوتوں میں بس اپنی برادری اور اپنے درجے کے لوگوں کو یا اس کے علاوہ علاقہ کی با اثر شخصیات کو ہی مدعو کیا کرتے ہیں جس کا مقصد عموماً اپنی ساکھ بڑھانا ہوتا ہے یا ان نامور شخصیات سے کوئی غرض ہوتی ہے_
لیکن پانچوں انگلیاں برابر نہیں ہوتیں اور ہر پیسے والا یا اونچے خاندان والا ایسے نہیں کیا کرتا جس کی زندہ مثال آپ کے سامنے پیش کی اور اس لڑکے کے لیے دعائیں نکلیں وہ لڑکا ہر ایک سے سلام دعا رکھنے والا، خوش اخلاق اور ملنسار طبیعت کا مالک ہے_ پیسہ و دولت ہونے کے باوجود عاجزی پسند ہونا بھی اللہ کا کرم اور نعمتِ خداوندی ہے۔“
