Anmol Stories Pakistan's Best Story Website
Related Articles
ایک آدمی کام کی تلاش میں گھر سے نکلااور کسی دوسرے گاؤں کا رخ کیا کہ شاید وہاں اسے اپنی قسمت آزمانے کا کوئی بہتر موقع ملا جائے چلتے
چلتے وہ ایک گاؤں پہنچ گیا گاؤں میں رہنے اور کام ڈھونڈنے سے پہلے اس نے گاؤں کے لوگوں کے بارے میں جاننے کافیصلہ کیا وہ ایک بزرگ آدمی کے پاس گیا جو بڑا ہی عقلمند دکھائی دیتا تھا گاؤں کے لوگوں کے بارے پوچھا یہ گاؤں کیسا ہے یہاں کے رہنے والے لوگ کیسے ہیں کیسے مزاج کے ہیں بزرگ آدمی نے پوچھا کہ تم جس گاؤں سے آئے ہو پہلے مجھے وہاں کے لوگوں کے بارے میں کچھ بتاؤ۔ وہاں کے لوگ بہت مطلبی اور دھوکے باز ہیں بڑے لالچی ہیں چوریا چکاریاں کرتے ہیں حسد کرتے ہیں کسی کا فائدہ ہوتے نہیں دیکھ سکتے ایک دوسرے کی ٹانگیں کھینچتے ہیں تمہیں یہ سن کر افسوس ہوگا کہ ہمارے گاؤں کے لوگ بھی بالکل ویسے ہی ہیں بالکل تمہارے گاؤں کے لوگوں جیسے اگلے دن ایک اور اجنبی اس گاؤں میں آیا اور آکر اس بوڑھے آدمی سے گاؤں کے بارے میں گاؤں کے لوگوں کے بارے میں پوچھا جس گاؤں سے تم آئے ہو وہاں کے لوگ کیسے ہیں وہاں کے لوگ بہت اچھے اور ملنسار ہیں ایک دوسرے کا بہت خیال رکھتے ہیں مل جل کر رہتے ہیں ایک دوسرے کی عزت کرتے ہیں
ایک دوسرے کا کام آتے ہیں دکھ اور سکھ میں ایک دوسرے کے ساتھ کھڑے ہوتے ہیں تمہیں یہ سن کر خوشی ہو گی کہ ہمارے گاؤں کے لوگ بھی بالکل تمہارے گاؤں کے لوگوں جیسے ہیں اگر آپ کو بھی زندگی میں دوسرے لوگوں سے بہت شکایتیں ہیں تو آپ کو غور کرنا چاہئے اگر آپ اچھے ہیں مثبت ہیں اور لوگوں میں اچھائیاں دیکھتے ہیں تو آپ کو سب لوگ اچھے نظر آئیں گے آپ کے لئے سب لوگ اچھے ہوجائیں گے ۔ اگر آپ اچھے ہوں گے تو آپ کے لئے سارا جہاں ہی اچھا ہوگا۔ ہمیں باہر وہی دکھتا ہے جو ہمارے اندر ہوتا ہے کسی کو سامنے سے آتی ہوئی مصیبت نظر آرہی ہوتی ہے اور کسی کو اس سے بچنے کا راستہ دکھائی دے رہا ہوتا ہے محبت سے دیکھو گے تو گلاب میں رنگ ملے گا خوشبو ملے گی۔
اور نفرت سے دیکھو گے تو اس کے کانٹے تمہیں پریشان کریں گے تمہاری آنکھوں میں کھٹکیں گے۔ لوگوں کے بارے میں اچھا سوچو ان سے اچھی امیدیں رکھو ان کی خوبیوں پر نظر رکھو ان کی خامیوں کے بارے میں نہ سوچو۔ آپ ایک مہینہ یہ کر کے دیکھ لو آپ کی زندگی میں اتنی تبدیلی آئے گی کہ آپ حیران رہ جاؤ گے ۔انسان بھی بڑا عجیب ہے یہ جس سے پیار کرتا ہے اس کی برائی نہیں دیکھتا اور جس سے نفرت کرتا ہے اس کی اچھائی نہیں دیکھتا۔ اگر ہم جن سے پیار کرتے ہیں ان میں صرف اچھائیاں دیکھ سکتے ہیں تو دیکھنا چاہیں تو سب میں ہی اچھائیاں دیکھ سکتے ہیں سب میں ہی محبتیں بانٹ سکتے ہیں۔اللہ ہم سب کا حامی وناصر ہو۔آمین
